Почетна

"Грбавко" на гума

Print PDF

Ова е модел на гумењар кој го нареков "грбавко" поради неговиот облик.Еднаш го прикажав,но тогаш беше направен од експандиран полистирол.

Овој пат користев депрон кој е многу полесен и е добар за обработка.Малата тежина, десеттина грама, му овозможува на моделот да лета во затворен,но и на отворен простор ако нема силен ветер.

За да се изработи потребен е еден час интензивна работа.Битно- депронот може да се лепи и со секундарен лепак,иако некогаш по малку се топи.За разлика од полистиролот кој не трпи секундарен  и мора да се користи бел лепак,или двокомпонентен.Тогаш работата трае подолго,а и тежината на моделот е поголема.Оваа "цака" ми ја откри млад моделар,мој соработник.

Користи гума 1x3 мм,елиса од 6 инчи,а се прави од депрон со дебелина од 2мм.

Лета добро,Во тоа се уверив викендов.

 

 

Редизајниран "Јапонец"

Print PDF

 

Во светот разни фирми прават многу типови на модели на гимењари.Во многу случаи моделите се многу убави,но не летаат,или слабо летаат.Тешки се,имаат многу пластични делови се со цел да не се употреби лепак при комплетирањето на моделот.Но,се заборава на највжното-моделот треба да лета.

Овој пат правиме една таква споредба,без претензија да се потцени фирмата што го направи моделот кој ќе  го споредиме.

Пред вас   е оригинален јапонски производ и  редизајниран "Jапонец" без многу пластични делови.

"Јапонецот",по мое има една голема мана.Има кус труп и колку добро да изгледа лошо лета.Причина за тоа е кусиот труп поради што крилото е многу блиску до хоризонталецот и вертикалецот.Таквиот однсо на крило, хоризонталец и вертикалец,знаат искусните моделари,е најнеповолен.Не знаеме дали тие што го правеле јапонскиот модел мислеле на ова.

Никаква реглажа не помага убаво да лета.

Ова е "Јапонецот"

Ние затоа решивме да му го продолжиме трупот на "Јапонецот". Ги исфрливме пластичните делови со што тежината се намали на околу 13 грама.Крилата и хоризонталецот сега се многу поддалеку.Веднаш забележавме дека редизајнираниот модел лета убаво и стабилно.Го сочувавме обликот на крилата и на хоризонталецот и на вертикалецот,иако овие последниве ги смаливме.Имаат помали димензии. 

Ова е редизајниран "Јапонец"           

Ова е правиот "Јапонец"

Гумењак за високи летови

Print PDF

Се одлучив да ви прикажам гумењак кој навистина лета високо.

Трупот му е од липово стапче 2x5 мм,крилата се од депрон,како и хоризонталецот и вертикалецот.Елисата е од 9 инчи и е изработена во мојата работилница од балза, со дебелина од 15 мм.Лесна е и убаво влече.Урнекот е од јапонска  пластична елиса.Користи гума 1x6 мм.

И самите гледате дека доминира депронот.И кабината е од овој материјал.Овој пат крилата се двојно прекршени.Имаат мало "V" во средината и поголемо "V" на ушките.Искусните моделари велат дека ваквата конструкција е најдобра за вакви модели.Се смалувал отпорот на крилата,што е посебно важно за успешен лет.

На фотките ќе забележите дека има на хоризонталецот мал подметач од балза.Тоа беше потребно бидејќи аголот на крајот од трупот од минус три степени беше преголем.Морав да го намалам за да не пумпа моделот.

Кога го направив тоа добив одличен модел кој лета високо.Но,поради тоа што крилата не се профилирани по престанокот на работата на елисата не се држи толку добро во воздух.Но,сепак, ви кажувам многу убаво лета.

И,што е најважни пружа ретко убави моменти.

Се пушта на широк и отворен простор каде што  нема дрва.Од искуство знам дека ако на некоја ливада има само едно дрво,моделот ќе се закачи за него.

 

 

Гумењар од балза-нискокрилец

Print PDF

Балзата е основен материјал во моделарството,иако сега се појавија други материјали,како што е депронот.

Со овој материјал (балза) се прават најубави и најлесни модели.

Еден од нив е и овој нискокрилец -силуета.

Трупот му е од балзово стапче 3x6 мм.Кабината   е од  балза,крилата од балза 2мм и не се профилирани.Хоризноталецот се прави од балза од 1мм,исто така и вертикалецот.

За овој модел на  гумењар користев гума 1x3 мм,елиса од 5,5 инчи,но и специјален "нос" кој го носи стојниот трап од челична жица и  осовината од елисата.

Тежи петнаесеттина грама и можм да ви кажам дека се изненадив колку добро лета.Се "качува" петнаесеттина метри и по завршувањето на работата на елисата лета како лизгач.Воодушевен сум од неговите карактеристики.Го видов кај еден американски моделар,но не е негова копија.

Ви посакувам убави летови,иако зимата не е погодна за тоа.Но,има и некои сончеви зимски денови.Пронајдете ги.

Хеликоптер на гума

Print PDF

Ви претставувам за прв пат хеликоптер на гума.Додуша тоа е профил на хеликоптер,но е многу добар летач како во затворен простор,така и на отворено.

За жал поради можноста на сајтот не сум во прилика да ви го прикажам во права големина.

Но,како и да е хеликоптерот се прави од појак лист на хартија (обликот),на кој може да се нацрта пилотот и да се напише нешто по ваша желба.

На оваа слика се гледа костурот на хеликоптерот врз кого се залепува обликот на хеликоптерот од хартија.

Се прави од летвички балза од 1,5 мм.

Овој хрликоптер има еден ротор од балза од 2мм.Треба да се профилира.Вториот ротор е обична жица од 0,8мм на чиј крај е поставено олово.Многу е важно роторот од балза и оној од жица добро да се балансираат,да не фрла кога ќе се пушти хрликоптерот.

Роторот од балза се лепи на носач од балза од 2,4мм кој се сече под агол од 45 степени.Низ него се провлекува осовината,која потоа се витка под агол од 90 степени чиј крај е роторот од жица,кој е баланс на роторот од балза.На осовината треба да се става перла,а минува низ посебно цевче од пластика,малку пошироко од жицата за осовина.

Летвицата долга што минува речиси на средината на хеликоптерот е со дебелина од 2мм,а на неа се поставува системот за вртење на роторот,а на крајот едно шпенигле за прицврстување на задниот дел на гумата.

Користи гума ид 2x2 мм.

Моделот има обртен момент,но е максимално елиминиран со телото на хеликоптерот од хартија и со вртењето на само еден ротор.

Верувајте ми лета од рака,од земја.Во соба можете да го пуштате колку што сакате.Се качува на врвот на таванот.

А,надвор лета и преку дваесеттина метри високо.

Димензиите на моделот  можат да се зголемат во Фотошоп.

Ако  не успеете, јави те се на нашиот контакт.

 

Моментално on-line

We have 29 guests online

Посетеност на сајтот

mod_vvisit_counterДенес191
mod_vvisit_counterСевкупно190208

Соработници

Banner

contakt

English Bulgarian Serbian Irish Macedonian

Барај

Developed by sam-digital.com