Почетна

"Хорнет" од балза и јапан хартија

Print PDF

Ова е моделот "Хорнет" направен од балза и покриен со јапан хартија.Конструкцјата на крилата е специфична и нема профил,туку е рамна површина од долниот дел.И покрај тоа, поради големината  на крилата (голема носечка површина за ваков модел),лета високо и одлично.

Трупот  е од балза со дебелина 10x 5 мм.Елисата е од балза од 8 инча.Користи две нишки гума Тан-2 со димензии 1x3мм.

Има стоен трап со две тркала.Тежи некаде околу 20 грама.

"Yard Bird" од депрон и од балза

Print PDF

Пред вас е нашиот нов модел "Yard Bird".Направен е од депрон (труп,хоризонталец,вертикалец),но и од балза- крилото.Овој модел на гумењар е многу популарен  кај американските,шпанските и англиските воздухопловни моделари поради убавите и долги летови, но и порад дизајнот.

При изработката на трупот,хоризонталецот и вертикалецот  користевме депрон со дебеленина од 3 мм.

Крилото е изработено од балза.За ребрата користвеме балза од 1,5 мм,за нападната ивица на крилото балза од 3 мм и за излезната ивица на крилото исто така балза од 3 мм.

Целото крило е покриено со такавикана јапан хартија,која на конструкцијата на крилото се лепи со нитро-лак,потоа се прска со вода, се чека водата да се исуши,па се лакира јапан хартијата со разреден нитро-лак три пати.

Ова крило е полесно од крилата правени од стиродур и други слични материјали.Освен тоа со ребрата од балза ги сочувуваат аеродинамичните карактеристики на крилото што на моделот  му овозможува стабилни и долги летови.

Користи рачно изработена елиса од балза од 7,5 инча.

Цирус-1Б

Print PDF



Ова е модел на гумењар кој го нарековме Цирус-1Б.

Трупот му е од балза 10x5 mm,крилата од депрон со дебелина од 3мм.Го движи гума 1x6мм.Користевме рачно изработена елиса од балза  од 8 инчи.

Тежи околу 20 грама,а може да достигне височина од 15 метри.Лета по мирно време околу една минутка.

Електро модел со два мотори

Print PDF

По подолго време еве не пак пред вас.Овој пат малку отстапивме од вообичаената шема да претставуваме модели на гумен погон,туку двомоторен електро модел.

Тоа е модел кој е купен во продавница во Охрид,има два електромотори,стоен трап и се управува со далечини управувач во кој се сместуваат осум батерии од 1,5 волта.Има посебен полнач за батеријата сместена во самиот модел.Батериите во станицата за далечинско се обични,но добро е да се алкални.Повеќе траат.

Не е  многу голем и на бара голема умешност во управувањето.Ако сакате моделот на лета во лево ја намалувате сила на таа страна и обратно.Потоа со еднаква сила на двата мотори моделот лета право.Далечинското има домет од околу 200 метри.Интересно е дека моделот полека слетува кога ќе ослаби силата на батеријата и на моторите.Може да се лета со едно полнење околу десеттина минути.Зависи од оптоварувањето на  електромоторите.Нема класични команди за лево и десно,горе и долу како кај другите радиокомандувани модели.Веке реков, се управува со силата на електромоторите.

 

 

ДЦ-3 на гума

Print PDF

Ова е ДЦ-3  еден,ако не и најдобар транспортен авион во Втората светска војна,кој и денес лета на многу континенти.Производител е компанијата "Даглас".По лиценца се правел  под името "дакота"или пак како модел "Ли" во СССР.

Ние го направивме како гумењак и тоа успешен.Крилата единствено се разликуваат од оригиналот поради погонот на гума и потребната стабилност.Овој има ушки,а кај правиот крилата добиваат агол речиси во самиот корен каде се поставени моторите-ги има два.Кај нас е со една елиса за да не ја оптоваруваме конструкцијата.

Крилата,како и кај оригиналот, се поставени на долниот дел од трупот под агол од 3 степени.Отворот каде што влегува крилото е ојачан со летвички од балза,бидејќи депрониот не трпи притисок од крилото кој  се поврзува со ластичиња за трупот.Тој дел е ојачан и со двоен депрон.

Користи наша елиса од 6 инчи и гума 1x5 мм.Стојниот трап е поставен во посебен пластичен носач.По потреба може да се изведи што значи дека е монтажен.

Летот на овој модел на ДЦ-3 е стабилен и убав,Со околу 200 намотки на гумата  лета на височина од десеттина метри.Интересно е дека поради стабилност по правец на вертикалецот  направивме еден зарез-елерон,кој е поставен да влече во десно.Така моделот прави благи кругови во лево.Ако нема елерон,нагло пропаѓаше во десно.

contakt

Моментално on-line

We have 10 guests online
English Bulgarian Serbian Irish Macedonian

Посетеност на сајтот

mod_vvisit_counterДенес38
mod_vvisit_counterСевкупно292424

Соработници

Banner

Барај

Developed by sam-digital.com